Социалдык тармактарга жарыяланган видеолордон имараттын автобустун үстүнө кулап түшкөнүн көрүүгө болот.
Түштүк Кореяда жүргүнчүлөрү бар автобус турган коомдук транспорттун токтоочу жайына 5 кабаттуу имарат кулап, кеминде тогуз адам каза болду.
Бул тууралуу чет элдик басылмалар жазды.
Окуя Сеулдун түштүк-батышындагы Кванжу шаарында болгон.
Имаратты бузуу иштери жүрүп жатканда үй аялдамада турган автобустун үстүнө кулаган. Автобусттун ичинде 17 жүргүнчү бар болгон.
Өлкөнүн Улуттук өрт өчүрүү кызматынын маалыматы боюнча, окуяда 9 жүргүнчү каза болуп, 8 адам оор жаракат алган.
Учурда кырсыктын себептери аныкталып, полиция бул иш боюнча иликтөө баштады.
Өлкө президенти Мун Чжэ Ин окуяны кылдат иликтөөнү тапшырды.
